Әлеуметтiк желiде кейбiр өңiрлерде балабақшада оқу ортасында алты жасқа толған балаларды бiлiм беру мекемесiнен шығарып жатқаны туралы хабарламалар пайда болды. Бiлiм және ғылым министрлiгi осы жағдайға қатысты пiкiр бiлдiрдi, — деп хабарлайды Tengrinews.kz тiлшiсi. "Алты жасар балалармен бiрдей бiрiншi сыныпқа қабылдау жетi жасар балаларға да қамтамасыз етiледi. Қазiргi уақытта олар мектепке дейiнгi сыныптар мен мектептер мен балабақшалар топтарына барады", — деп хабарлады ведомстводан. Қазiргi уақытта 5 және 6 жасар балалар мектепке дейiнгi ұйымдардың топтарында немесе мектептердiң мектепке дейiншi сыныптарында тәрбиеленiп, бiлiм алып жүр. "Бiлiм туралы" заңның 30-бабына сәйкес мектепке дейiнгi дайындық мiндеттi шара болып табылады. "Мектепке дейiнгi ұйымның тәрбиеленушiсi оқу-тәрбие процесiн үзбей, мектепке дейiнгi тәрбие мен оқыту бағдарламасын толық көлемде меңгерiп, жалпы бiлiм беретiн мектептiң бiрiншi сыныбына көшуi тиiс. Мектепке дейiнгi ұйымға қабылданған тәрбиеленушi бiрiншi сыныпқа барғанға дейiн ол мекемеден шығарылмауы тиiс", — деп сендiрдi министрлiк өкiлдерi. Мектепке дейiнгi тәрбие мен оқытудың мемлекеттiк жалпыға мiндеттi стандартының 16-тармағына сәйкес мектепке дейiнгi ұйымның тәрбиеленушiсi бiлiм берудiң осы деңгейiне сәйкес келетiн бiлiм, бiлiк, дағды мен құзыреттiлiк көлемiн меңгеруi тиiс. "Барлық балалар мектепке дейiнгi ұйымдардан барлық тиiстi бiлiм алуы тиiс, олар бүкiл ел бойынша бiрiншi сыныпқа дайындықпен келiп, 6 немесе 7 жасқа қарамастан, тең бастапқы мүмкiндiктермен оқыту процесiн бастаулары керек", — деп толықтырды ведомство өкiлдерi.

Толығырақ: https://kaz.tengrinews.kz/science/altyi-jasar-balalar-balabakshadan-shyigaryilmaydyi-bgm-295658/