18 сәуір күні қазақ тілі мен әдебиетінен академик, Қазақстан Республикасының еңбек сіңірген мұғалімі, «Құрмет» орденінің иегері Қ. Бітібаева атындағы республикалық олимпиаданың облыстық кезеңі on-line режимінде «Қызылжар дарыны» дарынды балалар мен талантты жастарды анықтау және қолдау орталығы» КММ-мен ұйымдастырылды. Олимпиада мақсаты – Қазақстан Республикасының дарынды оқушыларын анықтау, дамыту және қолдау көрсету болып табылады. 9-сыныптан Май ОМ-нің оқушысы Лұқман Айнара (мұғалімі – А.С.Ибраева), 10-сыныптан Үлгілі ОМ-нің оқушысы Ғибадат Айлана (мұғалімі – Ж.Е. Шакенова)және Горьковский ОМ-нің 11-сынып оқушысы Лес Айдана (мұғалімі – Б.Т. Исина) қатысты. Нәтижесінде үш қатысушының үшеуі де жеңімпаз атанып, Лұқман Айнара мен Ғибадат Айлана 12-14 мамыр аралығында Шығыс Қазақстан облысының Өскемен қаласында өтетін республикалық кезеңге қатысып, облыс намысын қорғамақшы. Айнара мен Айланаға республикалық кезеңде жеңіс тілейміз.

Бөлім әдіскері Аягөз Хасенова